طموحي الغريب
انتى وانا نكون في السفر
دمعة ونحيب
والمح عيونك في كل الجراح الممكنة
واسيب أنّتي تذكار في كل الأمكنة
تجددلي شوقي لحضن العذاب
تجيني و ألقاكي نفس السراب
اللي اتولد زمان من كتييييير قبل كل الأزمنة
سنين التوهة بييييير..غويط على قلبنا
بسيط الموج وانا
بنعشق الصبار و نرويه بعمرنا
وننده للبعيد ونحرق رملنا
نكفن قلبنا
وندفن حبنا
ونعرف من جديد
بانك موج شريد
وانك موتي أنا
_________________
(2)
طموحي الغريب
انك واني
نكون في اللقا
جرح وطبيب
واعيش جوة فرحك
واسكن ملامحك
تتوه صورتي منك
على شط جرحك
وتقفي يا غالية عاجزة
وف صدى صوت السكوت
ولما تتهد البيوت
فجاة..حتحصل معجزة
انتي وانا
من بعضنا
راح ننسرق
ولا نفترق
حبوس قلب قلبك وبعدين نتحرق
نسافر في الرماد والموج يرجعنا
نتوه من غير معاد والجذر يوجعنا
والمد لو باعنا
تبقى قسمة ونصيب
ماهو أصله قدر يا حبيبتي عجيب
اللي انكسر جواكي حلمك والمريب
ان اللي بافي ف قلب قلبك
هي صورتي
وياّ بوستي
واكتشافك يا سفينتي
ان جروح الموج لهييييب
يطوي طموحي الغريب
موضوع: طموحى الغريب 
الإثنين فبراير 18, 2008 4:33 am