|
ثلاث سنين وانا اخطط لهذا اليـوم يابوسعـود تيسر حالي وجاهـز اوفـي وعـدي ابوقتـه
|
وفجأة جتني تتعذر تقول اتأخـرت الوعـود وانا مستغرب واسمع وكأنـي وعدهـا خنتـه
|
حسبت انها تمازحني وتتصنع جـف وسـدود ضحكت بوجهها من قلب مع انها بايخه النكته
|
وقالت ارضى بالواقع قلبـي ماهـو المعهـود تغير كل شي صوبك نصيبـي مااظنـه انتـه
|
كنت بيـوم محبوبـي ولكـن مااظنـه يعـود وصل من قبل ماتوصل وانا ذاك الصبر عفتـه
|
ولكن تكفى صدقني ويشهـد ربـي المعبـود ترى ماخنتـك بغفلـه ولاكلمتـه وشفتـه
|
صراحه اهلي قالولي انه ولـد اصـل وجـود وجتني امه بالصوره وبكلمات المـدح اختـه
|
سكت وقلت هي فرصه مادام الجود في الموجود وقالو كل من حولي علامات الرضـى سكتـه
|
وانا فكرت دام امـه واختـه ماعليهـم زود اكيد انـي براضيهـم اذا وافقـت واخترتـه
|
وراضي اهلي وخواني مادام ان الفرح معقـود عطيت الناس انا كلمه ومعاهم وقتي حددتـه
|
ولا اقدر اغيرها ترى عنـد العـرب منقـود اوافق واعتذر باكـر واقـول الـراي غيرتـه
|
تبي تشرحلي المنقول تصدق عاد يابـو سعـود تبيني اقتنع وارضى بحالـن عمـري ماعشتـه
|
انا ماني بقايـل عسـى يفـرش ثراهـا ورود بعد ماحطمت قلبي وطعـم المـوت جربتـه
|
عسى في فستانها اشواك وفي ثوبه عقارب سود ونارن تحرق الكوشـه وتحـرق بيتهـم حتـه
|
وموتن ليلـة الدخلـه يبـرد حرتـي ياكـود ولاحس انها بحضنه يلامـس خـد لامستـه
|
علي اهون اذا ماتو ولابنفس السريـر رقـود ترى صعبـن علـي اتخيـل اللـي ماتخيلتـه
|
عسى قاع الثرى يقسى ويتحول صخر جلمود وحفار القبر يرفض يسـوي فـوق مقدرتـه
|
ترى دفنج عديم الذات تلوع حتى جبد الـدود ومن خان العهود ومات تعافه حتـى مقبرتـه
|
عسى ربي يجازيهم بحبلن مـن مسـد ممـدود يعلقهم مـن اطرافـه وفوقـه نـارن وتحتـه
|
انا ماني حقود وشين ولاني من نسـل جلمـود ومن حط نفسه بوضعي بيقول اللي انـا قلتـه
|
مادام الفعل له ردة فعل والله ابشـري بـردود بدعي دامنـي حـي وبغـرس للدعـى نبتـه
|
وبسقيها نزيف القلب ودمعن مارحم الخـدود وتكبر والثمر ثاري من اللي خاننـي وخنتـه
|
انا نذرن علي اكتب وفجر هالقصيده رعـود واسمع كل البشر صوتـي عجبتـه ولا زعلتـه
|
وردد للي يسمعني اذا حبيـت حـط حـدود انا حبيت دون حدود وشوف اللـي تكبدتـه
|
ثلاث سنين انا ابني وجت صوره بكل بـرود خذت من شقى عمري وحلمن قلت حققتـه
|
ثلاث سنين انا اخطط لهذا اليـوم يابوسعـود وتوافق من كلام اخته وصوره اربعـه بستـه
|
|
موضوع: خواطر 
الأربعاء مارس 12, 2008 12:34 am
