بقالي كتير بنادي عليك
بحبك ليه تاعبني معاك
وأنا وياك بفكر فيك
وبنسى الناس ولا بنساك
ليالي على ده الحال
ليالي حضني مشتاقلك
تعال ولا مش عَ البال
تعال قلبي محتاجلك
بكلمة واحدة تحيني
حبيبي قولها وكفاية
أنا عايزك تنسيني
زماني وانت ويايا
أنا غيرك ماليش تاني
ولا غيرك هعيش وياه
أنا ليك وانت علشاني
ولا غيرك أنا بهواه
-----------
سكتي ليه
ايه سكتي ليه
بتخبي عن قلبي ايه
حنضي بينده عليكي
وانتي بعيده عليه
مين غيري مين
يفهم بنظرة عين
ايه اللي شاغل بالك
ده احنا عشرة سنين
صعبان عليا وأنا شايفك
وأنا شايفك قدامي وعارفك
بتداري عني اللي في قلبك
بتداري وأنا حاسس بيكي
أنا عايش في الدينا عشانك
والدينا ايه جنب حنانك
يبكي قلبي ليالي بدالك
ولا أشوف الدمعة في عنيكي
ايه ياحبيبتي ايه
عايزاني أقولك ايه
ده أنا قلبي شاف معاكي
كل اللي حلمت بيه
ليه تبكي ليه
فيه ايه تبكي عليه
وانتي في حضني ومعايا
عايزين من الدنيا ايه
---------
فرجتي الناس عليا
بطّل تقول للناس كلام فرجت الناس عليا
احكيلهم واحكي معاك كمان اللي انت عملته فيا
عمّال بتعيد وتزيد طب قولي عني بعدت ليه
انت اللي رضيت ومشيت ونسيت وغرامنا جنيت عليه
ارحم نفسك كفاية دي النهاية قولت ايه
طب أقولك ايه أكتر من إني بقولك سيبني خلاص
انت اللي كلامي معاك مبقاش يفرق ومفيش إحساس
افهم بقى ايه الحكاية مافيش حكاية من الأساس
--------------
مش أنا
عايزة اللي كل كلامه آه مش أنا
عايزة اللي تايه في الحياة مش أنا
عايزة اللي يقدر يفهمك معنى الحياة هو أنا
ليه كل حاجة ليكي أقولها تزعلك
مش عايزة حتى في أي حاجة إني أسألك
لو كان في بالك حاجة تانية يبقى تنسيني أنا
أهون عليا أبعد وقلبي يودعك
ولا مرة هقبل فيها أسكت وأسمعك
إن شا الله حتى لو كلامي في الحقيقة هيوجعك
فاهمة اللي قصدي عليه أقوله ولا ايه
عارفة إنه حب وخوف عليكي و لا ايه
لو مش بحبك بقى هعتب ليه عليكي وأقسى ليه
--------------
بحبك
مهما ببعد قلبي أنا وياك
حبيبي عليك يطمني
من اللي فيا عنية بقت شايفاك
وحاسس بيك بتلمسني
وهعمل ايه بتوحشني
حبيبي خلاص حياتي معاك
وهانت بكرة أنا راجع
و آه دلوقتي لو سامع
بحبك نفسي أقولهاك
وأنا إيدي في إيديك
حبيبي بقولك اطمن
كلامك ليا بيهوّن
سنين عدت هعيدهالك
وأنا قدام عنيك
ياللي عشت في حضنك أحلى سنين
نسيت أنا مين ولا بنساك
كل كلمة حب مابين إتنين
هتوصف ايه في لحظة معاك
وهعمل ايه بتوحشني
حبيبي خلاص حياتي معاك
------------------
ألف ماشا الله عليك
ألف ماشا الله عليك ياجمالها عينيك ياقمر نورلي حياتي
أنا من الليلة بدوب وهواك مكتوب ولا عمري هتوب في حياتي
صدق اللي شافك قال ويلي من ده جمال ويدوب من سحر عينيك
ولا حن قلبي ومال أنساك ده محال ولا روحي هتغلى عليك
وياك لفين ماتروح ياحبيب الروح ده أنا قلبي مسَلّم ليك
بتمنى عمري يطول جنبك على طول ولا عمري في يوم أنساك
غيرك انت والله ماليش وف قلبي مافيش دي حياتي وروحي معاك
والله ماسيبك يوم ولا هبعد يوم ولآخر عمري معاك
-------------
لا ياقلبي
أنا ليه بفكر فيها كده ليه
وتاعب نفسي على ايه
ده حب وراح
على ايه حياتي تعدي وتروح
وأعيش أيامي مجروح
كفاية جراح
لا ياقلبي لا طاوعني وانسى وابعد عن هواه
انسى حبه تاني وابدأ من جديد لسه الحياة
أيوة هقدر بعده أكمل مش هموت لو مش معاه
ياقلبي إزاي يبعينا ولسه شاريين
ناسينا وبرضه فاكرين
ماكنش غرام
على ايه كفاية أهات وتعذيب
ياجرحي ياريته بيطيب
ده حتى حرام
-----------------
لما انت تعمل كده
لما انت بتعمل كده فيا غيرك يعمل ايه
تجرح قلبي وتيجي عليا طب سبتلهم ايه
معقول حتى أعز حبايبي بايع قلبي وجاي عليه
فاهمني ليه بتجرّني
فاهمني ليه بس ناسيني
ده بدل ما تيجي تفرّحني
تفرح قوي بدموع عيني
فين اللي كان
أيام زمان
بيموت لو أنا أبكي أو أتألم
انت ماكنتش كده ايه مالك انت جرى لك ايه
من امتى عذابي بيحلى لك وبقيت تفرح بيه
انت ماكنتش كده ايه مالك انت بتعمل كل ده ليه
----------------
هتبعد يوم
مانا القلب اللي مش ممكن تعيش بعديه
بتبعد عنه وتسيبه وترجع ليه
هتبعد يوم وفي التاني هتحتاجلي
وتيجي تقولي مش قادر وترجعلي
مانا القلب اللي مش ممكن تعيش بعديه
بتبعد عنه وتسيبه وترجع ليه
بتعند ليه في إحساسك تعال مادام بتشتاقلي
بتحلم بيا في بعادك ونفسك تيجي تندهلي
مانا القلب اللي مش ممكن تعيش بعديه
بتبعد عنه وتسيبه وترجع ليه
أنا عارفك مافيش جواك ولا في قلبك حبيب تاني
وأنا زيك هوايا هواك لكن مابخفش تنساني
ده ياما الشوق في قلبي ناداك واحشني ومش قايلهاك
بخاف قلبك في يوم يقوى وتعمل فيا ما بدى لك
-----------
حبيبي الأولاني
ياقلبي هي مرة بنتلاقى في العمر مرة
ومهما نحب تاني مابننساش
حبيبي الأولاني صعب في يوم يرجعلي تاني
بس مهما يكون ناسينا مابننساش
ده الفراق قدرك نصيبك
ليه يا قلبي اللي يسيبك
يبقى طول عمره حبيبك بس ليه
ممكن أنسى اسمي أنسى الناس أنسى أعيش
بس أول مرة أحب مابيتنسيش
بعيد قوي عن عينية بعد ما كان إيده في إيدية
وكنت في حضنه هو بنام وأرتاح
قالبت كتير في بعده
بس ماليش في الدينا بعده
وابتديت أعرف غلاوته لما راح
موضوع: كلمات البوم رامى صبرى على منتديات ملك القلوب 
الأحد أبريل 27, 2008 4:42 am